Հոդերի պահպանողական բուժում Just ArtMed կենտրոնում
Just ArtMed-ում մեր առաջնահերթությունը բնական հոդի առավելագույն պահպանումն է: Վաղ փուլերում կիրառվում են բուժման հետևյալ արդյունավետ ուղղությունները.
Դեղորայքային թերապիա Խոնդոպրոտեկտորների կիրառում՝ աճառային հյուսվածքի վերականգնման և պահպանման համար:
Ներհոդային ներարկումներ. Հիալուրոնաթթվի, թրոմբոցիտներով հարուստ զանգվածի (PRP) և ցողունային բջիջների ներարկումներ:
Դեղորայքային բուժման ժամանակ հիմնականում օգտագործում ենք խոնդոպրոտեկտորներ, որոնք վերականգնում և պահպանում են վնասված աճառային հյուսվածքը։
Ներհոդային ներարկումների ժամանակ կիրառում ենք հիալուրոնաթթու, ինչպես թրոմբոցիտներով հարուստ զանգված և ցողունային բջիջներ։ Մեթոդն ընտրվում է՝ ըստ ցուցումների ու պացիենտի ցանկության։ Ներարկումները հնարավորություն են տալիս վերականգնել հոդի շարժունակությունը, վերացնել ցավը և առավելագույնս հետաձգել էնդրոթեզավորումը։

Էնդոպրոթեզավորում Just ArtMed կենտրոնում. Կյանք առանց ցավի

Էնդոպրոթեզավորումը վնասված հոդի փոխարինումն է արհեստական իմպլանտով, որը 95-98%-ով վերականգնում է բնական շարժունակությունը: Just ArtMed-ը համագործակցում է միջազգային առաջատար ընկերությունների հետ՝ առաջարկելով կոնքազդրային և ծնկան հոդերի սերտիֆիկացված (ISO, FDA) տիտանե իմպլանտներ, որոնք թույլատրելի են նաև ՄՌՏ հետազոտության համար:

․Անհատական մոտեցում. Իմպլանտի ընտրությունը կատարվում է ըստ պացիենտի տարիքի, քաշի և ոսկրային կառուցվածքի:
․Մատչելիություն. Գործում են սոցիալական ծրագրեր, իսկ հիվանդասենյակն ու հետվիրահատական պարագաները տրամադրվում են անվճար:
․Արագ վերականգնում. Վիրահատությունը տևում է 1-1.5 ժամ, պացիենտը սկսում է քայլել հաջորդ իսկ օրը, իսկ դուրսգրումը կատարվում է մինչև 5-րդ օրը:
․Երկարատև արդյունք. 40-օրյա վերականգնողական շրջանից հետո բուժառուն վերադառնում է լիարժեք կյանքի՝ ներառյալ սպորտ և լող:
․Կենտրոնը ստանձնում է լիարժեք պատասխանատվություն կիրառվող պրոթեզների որակի համար: Վերականգնե՛ք Ձեր շարժվելու ազատությունը մեզ հետ:

Արթրոսկոպիան միջամտություն է, որը օգտագործվում է հոդերի տարաբնույթ պաթոլոգիաների բուժման համար։
Արթրոսկոպիկ միջամտությունը ունի մի շարք առավելություններ․
• քիչ ինվազիվ եղանակ
• մեծ կտրվածքների բացակայություն
• վերքերի արագ լավացում
• հիվանդի շուտ ապաքինում
Արթրոսկոպիայի ժամանակ ողնուղեղային անզգայացման պայմաններում 5-8մմ երկու անցք է բացվում ծնկան հոդի շրջանում։ Մի անցքով տեղադրվում է արթրոսկոպը, որը ցույց է տալիս վնասված օջախը, մյուս անցքով տեղադրվում է գործիքը, և կատարվում է անհրաժեշտ գործողությունը․ վնասված հատվածի հեռացում։

Just Artmed էնդոպրոթեզավորման կենտրոնում կատարվում են վերին ու ստորին վերջույթների բոլոր հոդերի` ծնկան հոդի, ուսահոդի, արմնկային հոդի, սրունք-թաթային հոդի, կոնքազդրային հոդի արթրոսկոպիկ վիրահատություններ։

Այս վիրահատությունները սովորաբար տևում են 30 րոպեից մինչև 1 ժամ։

Hallux Valgus-ի կամ ոտնաթաթի առաջին մատի արտաթեքվածության ժամանակ նկատվում է ոտնաթաթի առաջի մատի վալգուսաձև դեֆորմացիա, որն առաջացնում է արտահայտված ցավային համախտանիշ, կոշիկ կրելու դժվարություն, ոտնաթաթերի էսթետիկ տեսքի փոփոխություն։
Այս խնդիրը հիմնականում առաջանում է երիտասարդ և միջին տարիքային խմբի կանանց մոտ։
Ու՞մ դիմել այս պարագայում և բուժման ի՞նչ մեթոդներ են առկա։
Նշենք, որ այս խնդրի լուծումը մեծամասամբ պահանջում է վիրահատական բուժում։
JustArtmed կենտրոնում հաջողությամբ իրականացվում է Hallux Valgus-ի վիրահատական բուժում՝ քիչ ինվազիվ եղանակով, որը թույլ է տալիս բուժառուին գտնվել հիվանդանոցում մեկ օր, նույնիսկ երկու կողմից կատարված վիրահատության պարագայում, իսկ վիրահատության հաջորդ օրվանից սկսել քայլել, հատուկ դրա համար նախատեսված կոշիկներով։
Մեր կլինիկայում ներկա պահին գործում է բացառիկ առաջարկ կապված Hallux Valgus-ի վիրահատական բուժման ուղղությամբ։